Markmiðið er að undirbúa þig fyrir starfslok og lífeyristöku til að gera þér kleift að ná þínum markmiðum og láta drauma þína rætast.

Að loknu námskeiði þá getur þú greint á milli mismunandi tegunda lífeyrisgreiðslna og skipulagt þær, þannig að þær nýtist þér og þínum sem allra best.

Þú munt hafa næga þekkingu til að taka upplýstar ákvarðanir um næstu skref og
hvernig þú vilt haga málum þar til þú hættir að vinna til að undirbúa þau tímamót þannig
að þau verði eins og þú óskar þér. 

Eftir námskeiðið getur þú stillt upp tekjustraumum þínum til að vera tilbúnir þegar kemur að því að þú hættir að vinna og ljúfa lífið hefst.

Hvenær er best að byrja að taka út lífeyrisgreiðslur mínar?
 Hvenær er best að taka út viðbótarlífeyrissparnað?
 Ég er með tilgreinda séreign, hvenær á að taka hana út?
 Hvaða skatta þarf ég að greiða?
 Í hvaða tilfellum þarf ég að borga fjármagnstekjuskatt?
 Geta allir fengið lífeyrisgreiðslur frá Tryggingastofnun ríkisins?
 Hvað eru skerðingar lífeyris?
 Hvernig skiptast lífeyrisréttindi á milli hjóna?
 Hverjir þurfa að gera erfðaskrá?
 Hvernig get ég nýtt eignir mínar til lífeyris?
Og margt fleira sem tengist ljúfa lífinu og lífeyrismálum.

Lífeyrisáætlun. Skjal til að gera þína eigin lífeyrisáætlun. Þar getur þú raðað upp
þinni innkomu og gert mismunandi sviðsmyndir. Við förum yfir hvernig hún er
unnin á námskeiðinu.
 Samantektarbækling með öllu því sem farið er yfir á námskeiðinu. Þannig getur
þú rifjað upp það sem farið er yfir, þarft ekki að glósa meðan á námskeiðinu
stendur og getur einbeitt þér að því að hlusta.

Námskeiðið hentar vel fyrir 50 ára og eldri sem vilja undirbúa vel sín starfslok og lífeyristöku. Mikilvægt er fyrir alla að skipuleggja vel þennan kafla í lífinu, til að hann verði auðveldur og ánægjulegur. Námskeiðið hentar öllum óháð því í hvaða tekjustigi þeir eru og áhersla er á að fara yfir málin á mannamáli á léttan og skemmtilegan hátt.